Upategia
GORKA IZAGIRRE EZAGUTZEKO 7 GAKOAK
1. Jatorria eta kokapena
Izagirre familiak 2005ean sortu zuen upategia, Bizkaiko ardoaren kultura aberasteko eta txakolinaren definizio berrian, bilakaeran eta tokiko eta nazioarteko hedapenean parte hartzeko helburuarekin.
Upategia Larrabetzun dago eta Azurmendi gune enogastronomikoaren parte da, Bizkaiko gastronomia bere osotasunean ezagutzeko leku ezin hobea.
Malda handiak dituzten eta hego-ekialdera begira dauden mahastien lurraren ezaugarriek goizeko eguzkia eta eremu aireztatuak bermatzen dituzte, mahatsaren heltzerik onena eta ardoen kalitatea ziurtatuz.
2. Guztion konpromisoa
Gorka Izagirre botila bakoitzaren atzetik profesionalen talde baten lana dago, mahasti bakoitza eta ardoa egiteko prozesuaren urrats bakoitza kudeatzen eta zaintzen diharduena helburu batekin: gure ardoen kalitatea eta berezitasuna bermatzea.
Bertol Izagirre eta José Ramón Calvo enologoa Bizkaiko txakolina berreskuratzeko eta horri nortasuna emateko proiektu honen buru dira. Sortu eta ia bi hamarkada geroago, ardoa 15 herrialde baino gehiagotara iristea lortu du eta nazioarteko sariak jaso ditu.
3. Askotariko familia
Gurea ardoen familia anitza da; bakoitzak bere nortasuna dauka eta une zehatz batean gozatzeko pentsatuta dago. Bere bizitasunak eta freskotasunak ez zaituzte epel utziko.
4. Gaur egungo ohitura
Gure upategian ohiko prozesuak (mahatsa eskuz biltzea, adibidez) eta teknologia enologikorik onena batzen ditugu mahatsaren indar guztia aurkitzeko eta aprobetxatzeko eta Bizkaiko jatorria islatzen duten nortasuneko ardoak egiteko.
5. Bertako barietateak
Inguruko mahats barietateekin lan egiten dugu, hala nola, hondarrabi zuri, hondarrabi zerratia eta hondarrabi beltza, izaeraz beteta daudenak eta edozein unetara egokitzen den gure ardo bakoitzari nortasun berezia ematen diotenak.
6. Izaera atlantikoa
Gure mahastiak gure lurraren berezko osagaiez elikatzen dira. Bizkaiko golkotik datorren itsas brisak, tenperatura freskoek eta etengabeko euriak ñabardura asko ematen diete gure ardo eta txakolinei, zurrupada bakoitzean Atlantikora eramateko gai direnak.
7. Zaletasun partekatua
Gure zaletasuna partekatu eta Bizkaiko ardoen eta txakolinen bilakaeraren parte izatea nahi dugu. Gure upategiko ateak irekitzen dizkizugu, zaporez, gozamenez eta ohituraz betetako esperientzia enoturistikoak bizi ditzazun.
UPATEGIA, MAHASTIAREN ZERBITZURA DAGOEN TRESNA
